DTX: Sosial şəbəkələrdə dezinformasiya yayan şagird istintaqa cəlb edilib
...
ƏSAS / ÜMUMİ / DÜNYADA / ÖLKƏDƏ / ANALİTİK / MÜSAHİBƏ / HADİSƏ / HƏRBİ
Şəhidlərin Vikipediyadan məlumatları silindi
Şəhidlərin məqalələrini vikipediyadan silənlər və onları dəstəkləyənlər hamısı dövlətimizə hər zaman düşmənçilik edən, müharibə zamanı Azərbaycanı qınayan, ermənilərlə sosial şəbəkələrdə dostluq edənlərdir. Bu adamlar heç vaxt Şəhidlər Xiyabanını ziyarət etmir. Adlarını kosmopolit, sülhsevər, "no war"çı qoysalar da, ürəklərində Azərbaycana nifrət edirlər. Onların facebookdakı statuslarına, rəylərinə baxın. Tez-tez Azərbaycanı hədəf alır, vətənə xəyanətdə ittiham olunanları müdafiə edirlər. Bu adamların əksəriyyəti tez-tez xarici ölkələrə səfər edirlər. Görünür orada onları ələ ala biliblər.
Ən pisi odur ki, Azərbaycanın ərazi bütövlüyünün bərpa olunması üçün şəhid olan qəhrəmanlarımızın məqalələrini xaricdən gələn bir tapşırıqla dərhal silən bu vikipediyaçılar sabah dövlət əhəmiyyətli digər məlumatları da xaricdən sifariş alaraq məmnuniyyətlə siləcəklər. Bizim xəbərimiz olmadığı daha hansı məlumatları sildikləri də mütləq araşdırılmalıdır.
Şəhidlər haqqında olan vikipediya məqalələri hər bir şəhid haqqında dolğun informasiya idi. İstənilən şəxs bu məlumatlar vasitəsilə şəhidlər haqqında ətraflı məlumat ala bilirdi. Belə bir məlumatın silinməsi həm də şəhidlərimizə xəyanətdir.
Şəhid məqalələrinin silinmə tapşırığını icra edən "azərbaycanlı" vikipediyaçılar etiraz edə, cəmiyyəti bu məsələ ilə bağlı məlumatlandıra bilərdi. Amma onlar silmə tapşırığını dərhal icra ediblər.
Bu adamlar nəzarətə götürülməli, aidiyyatı qurumlar tərəfindən barələrində araşdırma aparılaraq hər biri sərt şəkildə cəzalandırılmalıdır.
Şəhid ailələri baş vermiş hadisədən möhkəm qəzəblənmiş, hadisəni törədənlərin məsuliyyətə cəlb olunaraq cəzalandırılmasını, bir daha belə hadisələrin baş verməməsi üçün tədbir görülməsini tələb edir.
Elyar İslamoğlu
Xəbər üçün şərhlər