Yüzlərlə sahibkarı işsiz qoyaraq, narazılıq yaradan kimlərdir? — Rəsmi qəzet “20 Yanvar” yeraltı keçidindən YAZDI...
...
Aidiyyəti qurumlar niyə susurlar? — “20 Yanvar” yeraltı keçidi ilə bağlı müəmmalı vəziyyəti İTV işıqlandırdı (VİDEO)
20 Yanvar”metrostansiyasının yeraltı keçidində ticarət fəaliyyəti ilə məşğul olan sahibkarların problemi hələ də həllini tapmır. Demokrat.az xəbər verir ki, “İTV Xəbər” sözügedən ərazidə çəkiliş aparıb.
Belə ki, 3 aya yaxındır sahibkarlar bağlanan obyektlərinin açılacağı günü gözləyirlər.
Bir vaxtlar keçiddə alış-veriş əlindən tərpənmək mümkün olmasa da, indi ya ancaq metroya daxil olanları, ya da yolun digər hissəsinə keçənləri görmək olur.
Keçiddəki obyektləri sahibkarlara icarəyə verən şirkət sahibləri də problemdən çıxış yolunu tapa bilmirlər.
Onların sözlərinə görə, 20 ildən çoxdur ki, “20 Yanvar”metrostansiyasının yeraltı keçidində ticarət aparılır.
200-dən artıq kiçik sahibkar burada ticarət fəaliyyəti ilə məşğul olub.
O da qeyd olunub ki, rəsmi bildiriş olmadan keçiddəki sahibkarların fəaliyyəti dayandırılıb.
Aidiyyəti qurumlar isə ünvanlanan sorğuları cavabsız qoyub.
Əmlak Komitəsindən bildirilib ki, sahibkarlarla bağlanan müqavilənin müddəti bu ilin yayında başa çatıb.
Törə Zeynallı
Demokrat.az
Xəbər üçün şərhlər