İnternat məktəbində "Əziz Şuşa, biz qayıtmışıq" adlı tədbir keçirilib

| 29-05-2022, 07:58 |

28 may Müstəqillik günü münasibətilə Xəzər rayon Buzovna qəsəbəsi, 8 saylı sanatoriya tipli internat məktəbində "Əziz Şuşa, biz qayıtmışıq" adlı tədbir keçirilib. Tədbiri giriş sözü ilə açıq elan edən məktəbin direktoru Pəri Paşayeva 44 günlük Vətən müharibəsindəki şanlı qələbəmizdən müzəffər Ali Baş Komandan İlham Əliyevin sarsılmaz qətiyyətindən danışaraq gələn qonaqlara təşəkkür etmişdir. Daha sonra 4a sinifinin rəhbəri Kəmalə Sərxaninin təşkilatçılığı ilə məktəbin şagirdlərinin 44 günlük Vətən müharibəsi ilə bağlı şeirlər, mahnılar səsləndirilib. 4a sinif şagirdləri həmçinin Vətən müharibəsindəki qələbəmizlə, əsgərlərlə bağlı səhnəciklər də nümayiş etdirib. Tədbirdə Şuşada şəhid olan mayor Vüsal Vəliyevin obrazı da Nuru adlı şagird tərəfindən canlandırılmışdır. Sonra şəhid mayor Vüsal Vəliyevin qardaşı filologiya üzrə fəlsəfə doktoru Elyar İslamoğlu çıxış edərək 44 günlük müharibədə xalq, ordu və Ali Baş Komandanın birliyinin gücü ilə qısa zamanda torpaqlarımızın işğaldan azad edilməsindən danışaraq vətənpərvər və milli ruhda şagird yetişdirən müəllimlərə təşəkkür etmişdir. Daha sonra çıxış edən Gülnurə Babaşova,
Huzura Ağayeva,
Cəmilə Əsgərova da maraqlı və gözəl tədbir üçün məktəb rəhbərliyinə təşəkkür etmişdir. İnternat məktəblərinin məzunlarının müharibədə xüsusi igidlik göstərdiyini xatırladan şəhid qardaşı şəhidlərin tanıdılması və təbliği üçün atılan addımları yüksək qiymətləndirmişdir. Tədbirin sonunda qonaqlar məktəbin Əmək otağında şagirdlər tərəfindən hazırlanmış əl işləri ilə tanış olmuşdur.