Türk Dünyası Günləri keçirildi

| 25-06-2022, 20:00 |

İyun ayının 3-4-5 tarixlərində Türkiyənin Kastamonu şəhərində hər il təşkil olunan Türk Dünyası Günləri keçilib. Bununla əlaqədar məndə bu möhtəşəm tədbirlərdə iştirak etdim. Günlər öncə vətənimizi ziyarət edən qəzet yazarı İzzət Sarı, Elnur Eltürk və Əli Zülfüqaroğlu ilə birgə Şəhid ailələrini ziyarət edərkən, təsadüfən Öndər.tv-də həyat yolunu işıqlandırdığımız şəhidimiz Rüfət Əhmədzadənin anası Ruhiyyə ana ilə söhbətimiz zamanı Ruhiyyə ana İzzət Sarı bəyin Kastamonu şəhərindən gəldiyini bildirərək, oğlunun şəhid olmazdan öncə bu şəhərdə yerləşən Kastamonu Üniversitetində təhsil aldığını qeyd etmişdi. Şəhid Rüfət Əhmədzadə bir il Kastamonu Üniversitetində təhsil aldıqdan sonra vətənə olan borcunu yerinə yetirmək üçün təhsilini yarımçıq qoyaraq hərbi xidmətə yollanmışdı. Hərbi xidmətdə olduğu dövrdə 44 günlük vətən müharibəsi başlamış, o da müharibənin ilk günlərindən qızğın döyüşlərdə iştirak etmişdi. Rüfət 3 gün davam edən döyüşlərdən sonra Suqovuşan-Ağdərə istiqamətində gedən döyüşlər zamanı qəhrəmancasına şəhidlik zirvəsinə ucalmışdır. 20 yaşı tamam olmamış şəhidimiz evin tək oğul övladı idi. Rüfətin həyat hekayəsindən təsirlənən İzzət Sarı bəy Kastamonu şəhərinə dönərkən bu haqqda Kastamonu Universitetinə məlumat vermişdir. Biz Kastamonu şəhərinə gedərkən bizi orda İzzət Sarı bəy qarşıladı və bir sıra tədbirlərdə iştirak etdikdən sonra Kastamonu Üniversitetinin rektor köməkcisi Prof.Dr Mehmet Atalan bəylə görüşdük. Ona Bakıdan bizim üçün ən dəyərli hədiyyəni, zəfərimizin simvollarından biri olan şəhidimiz Kastamonu Üniversitetinin tələbəsi Rüfət Əhmədzadənin şəklini təqdim etdim. Bundan çox təsirlənən rektor köməkcisi Mehmet Atalan bəy bizə Rüfətin ailəsinə çatdırmaq üçün üniversitetin ən dəyərli hədiyyəsi olan simvolunu təqdim etdi və üniversitetdə Rüfətin əziz xatirəsinə löhvə yardılacağını qeyd etdi. Türk Dünyası Günləri bitdikdən sonra mən Bakıya döndüm və mənə verilmiş əmanəti Ruhiyyə anaya çatdırdım. Allahdan bütün şəhid ailələrinə baş salığı qazilərimizə can salığı arzu edirəm.
Ramil Əliyev
Öndər. TV-nin rəhbəri, İnkişafa və İslahatlara Dəstək İctimai Birliyinin sədri