Azərbaycan Vətən Müharibəsi Veteranları İctimai Birliyinin (AVMVİB) Mətbuat xidməətinin rəhbəri, ilk döyüşçü-jurnalist, səmimi, xeyirxah və ziyalı insan Xaqani Rzaquliyev noyabr ayının 24-də qəflətən vəfat etmişdir. Xaqani jurnalistikamızın əsl peşəkarlarından idi. Jurnalistlik fəaliyyətində obyektivliyi və qərəzsizliyi özünün əsas meyarı sayan bu istedadlı qələm sahibinin yazıları həmişə oxucular tərəfindən böyük maraqla qarşılanıb. Azərbaycanı azad və demokratik bir dövlət kimi görmək ən böyük arzusu olan Xaqani bəy bu amal uğrunda da yorulmadan fəaliyyət göstərirdi. Təəssüf ki, vaxtsız ölüm onun bütün arzularını yarımçıq qoydu. Xaqani Rzaquliyevin xatirəsi onu tanıyanların qəlbində əbədi yaşayacaqdır. Biz bu ağır itki ilə əlaqədar mərhumun ailəsinə, yaxınlarına, peşə və əqidə dostlarına dərin hüznlə başsaglığı veririk. Allah rəhmət etsin. Məkanı cənnət olsun!
Saytımız vasitəsilə Azərbaycanın ictimai, siyasi, sosial, iqtisadi, idman və mədəni həyatında olan yeniliklərlə bərabər, dünyada baş verən maraqlı xəbərlər də oxuculara çatdırılır.
Xəbər üçün şərhlər