İlham Əliyev Azərbaycan Gəncləri Gününün 25 illiyinə həsr olunmuş Gənclər Forumunda iştirak edib
Fevralın 2-də Bakıda Azərbaycan Gəncləri Gününün 25 illiyinə həsr olunmuş Gənclər Forumu keçirilir....
UGUR OLSUN, ZEYNALABDİN
Mən uşaqları çox sevirəm. Bunun səbəbini deyə bilməsəm də bircə bunu bilirəm ki, uşaqlar bizim gələcəyimizdir – işıqlı gələcəyimiz. Belə uşaqlardan biri də Zeynalabdindi. Qəhramanlı Zeynalabdin Ramin oğlu. Zeynalabdinin iki qardaşı, bir bacısı var. O, evin böyük oğludur. Həmişə Zeynalabdingillə görüşəndə bu istiqanlı oğlanın sakit təbiətini, ağıllı baxışlarını, elmə, sənətə sevgisini görüb ona bir az da möhkəm bağlanmışam. Onu gələcəyimizin istedadlı gənci kimi görmüşəm. Zeynalabdinin hələ uşaq yaşlarındaykən çəkdiyi şəkillər, canlı aləmə sevgisi, Naxçıvan Televiziyasının uşaq verilişlərində iştirakı onun istedadından, işıqlı gələcəyindən xəbər verirdi. Təbii ki, həmişə olmasa da arada bir Zeynalabdingillə görüşürdüm. İş elə gətirdi ki, xeyli vaxt onlarla görüşə bilmədim.
Bir dəfə Zeynalabdinin atasına, yəni Raminə rast gələndə ondan Zeynalabdini xəbər alanda o gülümsündü:
– İndi Zeynalabdin tələbədir. Trabzonda KTÜ Qaradəniz Texnik Universitetinin memarlıq və şəhər və bölgə planlaşma fakültəsində oxuyur.
Bu xəbəri eşidəndə çox sevindim. Dərhal Zeynalabdinlə telefonla əlaqə saxladım. Onu təbrik etdim, necə oxuduğu ilə maraqlananda özü ilə bağlı ötəri məlumat verdi:
– Oxuyuram, buradakı tələbələr kimi. İmtahanlarda çətinlik çəkmirəm, çünki bu sahəni hələ orta məktəbdə oxuyandan xəyal etmişəm. Bu dadlı xəyalın qanadlarında çox uçmuşam. Yəni mənim bəzən nağıla bənzətdiyim arzum çin olub.
– Zeynalabdin, sənin təvazökar olduğunu yaxşı bilirəm. Bəs imtahanlarda birincilər sırasında olmursanmı?
Gülümsündü:
– Həmişə balım doxsandan yuxarı olur, doxsan beş, doxsan altı... Söz düşəndə bölüm başkanı Dilək Beyazlı hoca, Yelda Aydın Türk və Ayşegül Özyavuz kimi hocalarım da mənim adımı çəkir, mənə yaxşı tələbə olduğuma görə dəyər verirlər. Bu, məni qürurlandırır. Düşünürəm ki, təhsil aldığım bu ali məktəbdə oxumaq xoşbəxtliyi məni elm və sənətin dalınca daha uca zirvələri fəth etməyə aparacaq.
...Trabzonda, Qaradəniz Texnik Universitetinin memarlıq şəhər və bölgə planlaşma fakültəsində Azərbaycandan bir tələbə də təhsil alır. Bu Qəhrəmanlı Zeynalabdin Ramin oğludur. Onun adı universitetin birinci tələbələri sırasındadır. Uğur olsun, Zeynalabdin. Millət atası Zeynalabdin Tağıyev, Zeynalabdin Şirvani kimi tanınmış olasan, Azərbaycan adını ucalara qaldırasan. Bizim işıqlı gələcəyimiz sənin kimi gənclərin əlindədir, Zeynalabdin.
Bu yazını bitirəndə birdən yadıma Zeynalabdinin vaxtilə orta məktəbdə arxitekturaya dair çəkdiyi çızgilər düşdü, onlardan bir neçəsini burada verməyi münasib bildim. Zənn edirəm bu əl işləri maraqsız olmaz.
Tacir SƏMİMİ
filologiya üzrə fəlsəfə dokroru, dosent
Xəbər üçün şərhlər