Tanınmış jurnalist mükafatlandırıldı

| 4-03-2024, 12:30 |

Tanınmış jurnalist, “Xalq qəzetinin” əməkdaşı, “Xalq TV”nin müəllif proqramlarının aparıcısı, Milli Fikir və İnkişaf Mərkəzinin sədri Anar Turana “Mədəniyyət səfiri” İctimai Fəxri Adı beynəlxalq diplomu təqdim olunub.
“Onder.tv” xəbər verir ki, martın 2-də Bakıda “Simurq” Mədəniyyət Assosiasiyasının təşkilatçılığı ilə bir sıra tanınmış ictimai şəxslərin, elm, mədəniyyət xadimlərinin mükafatlandırılması mərasimi baş tutub.
Mərasimdə alimlər, müəllimlər, pedaqoqlar, rəssamlar, jurnalistlər, dövlət qulluqçuları, muzey və kitabxana işçiləri, ictimai xadimlər, QHT-lər, qadın və gənclər təşkilatları, biznes strukturları və yaradıcı birliklərin nümayəndələri iştirak edibrlər.
Seminarı qurumun rəhbəri professor Fuad Məmmədov açaraq bu Assosiasiyanın beynəlxalq fəaliyyətindən söhbət açıb. Verilən mükafatların əhəmiyyətinə toxunan professor qeyd edib ki, ölkəmizdə peşəkar insanları dəyərləndirmək, onların fəaliyyətini stimullaşdırmaq, mədəni-mühitin və dəyərlərin formalaşmasında onların rolunu qiymətləndirmək assosiasiya və onun idarə heyətində təmsil olunanlar üçün önəmlidir.
Qeyd edək ki, “Mədəniyyət səfiri” İctimai Fəxri Adı beynəlxalq diplomu Heydər Əliyevin 100 illik yubileyi və təşkilatın fəaliyyətinin 30 illiyi münasibətilə təsis olunub və ölkəmizdə və dünyada yüksək ruhi mədəniyyət dəyərlərinin inkişafı və yayılmasında xidmətlərinə və Assosiasiyanın yaradıcı fəaliyyətinə verilən dəstəyə görə təqdim olunub.