“Çanakkale-dən Qarabağa Türk Zəfəri” adlı Çanakkale savaşının il dönümünə həsr olunmuş online konfrans keçirildi.

| 19-03-2021, 17:41 |

“Çanakkale-dən Qarabağa Türk Zəfəri” adlı Çanakkale savaşının il dönümünə həsr olunmuş online konfrans keçirildi.

18 mart 2021-ci il tarixində "Türkiyə Universitetləri Məzunları" İctimai Birliyinin (TUMİB) təşkilatçılığı ilə “Çanakkale-dən Qarabağa Türk zəfəri” adlı Çanakkale savaşının 106-cı il dönümünə həsr olunmuş online konfrans keçirildi.

Konfrans TUMİB-in sədri Çingiz Bayramov açılış nitqi ilə başladı. Türk dünyası uğrunda canından keçmiş şəhidlərimiz bir dəqiqəlik sükutla yad edildi.

Daha sonra Hərbi ekspert, Ankara Kara Hərb Məktəbi məzunu, Qazi Ruslan İmamguliyev, Türkiyə AK Partinin idarə heyətinin üzvü, Ərzurum millət vəkili Zehra Taşkesenlioğlu BAN, Azərbaycan Millət vəkili, Milli Məclisin üzvü Ceyhun Mammadov, Azərbaycan Türkiyə Qida Təhlükəsizliyi İctimai Birliyinin sədri, Qida Təhlükəsizliyi Hərəkatının rəhbəri, Türkiyə məzunu, Mehseti Yunusova-Huseynova, TUMİB-in idarə heyətinin üzvləri Aydin Talishinskiy, Vüqar Qasımov, Azərbaycan Türkiyə Əməkdaşlıq təşkilatı İctimai Birliyinin sədri İlham İsmayılov, Türk Dünyası Araşdırmalar Vəqifinın Azərbaycan təmsilçisi, Türkiyə məzunu, Neriman Hanahmedov, Respulikanın əməkdar müəllimi, Azərbaycan Dövlət Pedaqoji Universitinin elmi işçisi, Milli məsləhətçisi Zülfiyyə Vəliyeva, 15 Temmuz Federasyonu Iğdır il Başkanı Azerbaycan Genel Koordinatörü Dr. Adem Akkuş, Azərbaycanlı alim Subhan Talibli, Green Start Academy-nin rəhəri Aysel Rəsulzadə, 15 Temmuz Federasyonunun üzvü, Doktor, dosent Alper Cenk və başqaları mövzuya aid maraqlı çıxışlar etdilər. Çıxışlar boyunca Türk dünyasının ölməz liderləri Mustafa Kamal Atatürk və Heydər Əliyev də yad edildi.

Konfrans ərzində bir neçə dəfə mövzuya aid video-çarxlar təqdim olundu. Eyni zamanda 44 günlük Qarabağ müharibəsi zamanı TUMİB-lə birgə Gənclərin Töhfəsi İctimai birliyi və Green Start Academy-nin birgə təşkil etdiyi “Hərəyə bir bayraq” və “Bu bayraq da bizim bayraq” adlı aksiyalardan hazırlanmış video-çarx da təqdim olundu.

Tədbirin sonunda Azərbaycan Türkiyə Qida Təhlükəsizliyi İctimai Birliyinin sədri, Qida Təhlükəsizliyi Hərəkatının rəhbəri, Türkiyə məzunu, Məhsəti Hüseynova, iştirakçılarla birlikdə “Çırpınırdı Karadeniz” mahnısını ifa etdi.

2 saatdan çox davam edən tədbirdə hər kəs çox həvəslə iştirak etdi və hər biri elə həssas mövzulu tədbirin ərsəyə gəlməsində əməyi keçən hər kəsə, təşkilatçılara öz təşəkkürünü bildirdi.