Yeni nazir müavini təyinatından DANIŞDI - FOTO
Gənclər və idman nazirinin yeni müavini Mariana Vasilyeva təyinatı barədə açıqlama verib. Oxu.Az...
Elxan Məmmədov yeni işinə başlayacağı tarixi açıqladı
“Dünən federasiya rəhbərliyinin iştirakı ilə iclas baş tutdu. Mən də gənclərdən ibarət milliyə baş məşqçi təyin olundum”.Bunu Oxu.Az-a açıqlamasında cüdo üzrə gənclərdən ibarət millimizin yeni baş məşqçisi Elxan Məmmədov deyib.
O bildirib ki, gənclər millisində işinə tam olaraq fevralda keçiriləcək Azərbaycan çempionatından sonra başlayacaq:
“Hazırda gənclərdən ibarət millinin təlim-məşq toplanışı yoxdur. Lakin fevralın 27-də başlayacaq Azərbaycan çempionatı başa çatdıqdan sonra toplanışımız olacaq. Hazırda böyüklərdən ibarət millimiz təlim-məşq toplanışındadır. Onların içərisində gənclər millimizin üzvləri də var, formalarını saxlamaq üçün orada məşq keçirlər. Məşq zamanı onları nəzarətdə saxlayacağıq”.
Xatırladaq ki, dünya və Avropa çempionu olan Elxan Məmmədov 2018-2021-ci illərdə əsas millimizdə ukraynalı baş məşqçi Ruslan Maşurenkonun köməkçisi işləyib. Tokio Olimpiadasında kişi millimizin uğursuz çıxışından sonra o da digər məşqçilər heyəti ilə birgə avqustda istefaya göndərilib.
Xəbər üçün şərhlər