ABDULLA MÜƏLLİMİN XATİRƏLƏRİ
...
Xoş təsadüflər az olmur. Bu, adamın əhvalını dəyişir, onu səmimiyyətə, xoş ünsiyyətə kökləyir. Bəli, belə xoş təsadüflərin birində bir cavan oğlana rast gəldim. O, məni görən kimi oturduğu yerdən qalxıb mənə yer göstərdi. Mən ona təşəkkür edib əyləşəndən sonra iki dayanacaqdan sonra mən avtobusdan düşəndə onun da dalımca gəldiyini görüb atüstü olsa da onunla söhbət etməyi qərara aldım. Deyəsən, o da bunu anladı deyə addımlarını yavaş-yavaş atıb mənimlə yan-yana addımlayanda dedim:
– Deyəsən yolumuz birdi, bir olmasa da... Səndən bir neçə şey soruşa bilərəmmi?
– Əlbəttə, buyurun.
– Baxıram təhsilli, tərbiyəli bir gəncsən. Adın nədi?
– Adım Həbibdi. Həbib Ərəstun oğlu Həsənzadə. Azərbaycan Dövlət İqtisad Universitetinin Beynəlxalq münasibətlər fakültəsini bitirmişəm. Hazırda Kapital bankın Beləsuvar filialında aparıcı mütəxəssis işləyirəm.
– Demək, Beləsuvardansan?
– Bəli, atam Texniki Universiteti bitirib, anam tibb bacısı işləyir.
– Yəqin ordu sıralarında da olmusan.
– Bəli, ordu sıralarında Yevlax ərazisində xidmət etmişəm.
– Deməli, İkinci Qarabağ müharibəsində də iştirak etmisən.
– Bəli. Yadimdadır, sentyabrın 28-də çağırış gəldi, ayın 29-da Biləsuvardan birbaşa cəbhəyə yola düşdüm. Sentyabrın 29-da Füzuliyə gəldik. Mən mina axtaranlar dəstəsində olduğumdan minalanmış ərazilərin minalarını zərərləşdirmə işlərinə başladıq. Zəngilanda, Qubadlıda, Laçında, Cəbrayılda oldum. Bu yerlərdəki kəndlərimizin, yaşayış məntəqələrimizin xaraba görkəmi könlümü qana döndərdi, bir daha ermənilərin alçaq və rəzil bir düşmən olduqlarını yaxşı anladım. Düşmənə nifrətim birə beş artdı. Bizim gözəl Qarabağımızın bu dilbər güşələri ermənilərin əli ilə xarabalığa çevrilmişdi. Hiss etdim ki, əsgər yoldaşlarımızın hamısı mənim düşündüklərimi düşünürlər: “Bircə bu torpaqlarımızı bu alçaq erməni əsarətindən qurtarsaydıq!”.
Heç yadımdan çıxmır, oktyabrın 6-sı ad günümdü, əskər dostlarım məni təbrik etdilər. Bu ayın on altısında ermənilərin artileriyası dörd saat ardı-arası kəsilmədən bizi atəşə tutdu. Mərmilər başımıza yağırdı, mən başımdan yüngül xəsarət aldım.
Döyüşdən döyüşə topun, minomyotun, tankın, zirehli maşınların səsinə öyrəşdim, tüstü və barıt yiynə də alışdım. Mən də digər döyüşçü dostlarım kimi irəliyə can atır, düşməni torpaqlarımızdan vurub çıxarmağı xəyalımdan çıxarmırdım. Hər bir kəndi, yaşayış məntəqəsini düşməndən azad edəndə hamımızın üzü gülür, könlümüz açılırdı. Düşmən nə qədər məkrli olsa da ordumuzun qabağında tab gətirə bilmirdi, ermənilər texnikanı və silahlarını atıb qaçırdılar. Mən mina axtaranlar dəstəsində olsam da bir az ara sakitləşən kimi gözlərim öz döyüş yoldaşlarımı axtarardı, baxırdım onlar da mənim kimi hisslər keçirirlər. Yəni bir bir-birimizi bir an da olsa unutmurduq, sanki bir ailənin övladları idik. Çünki qələbə üstə köklənmişdik, şanlı ordumuzun qələbə qazanacağına əmindik. Bu gözəl duyğu hamımızın ürəyindən keçir, bizi irəliyə hərəkət etməyə istiqamətləndirirdi.
Atalarımız yaxşı deyiblər: “Niyyətin hara, mənzilin ora”. Nəhayət, arzularımız çin oldu, qələbə qazandıq. Mən fəxr edirəm mən də İkinci Qarabağ müharibəsinin iştirakçısı oldum, qazı sayıldım, “Zəngilanın azad olunmasına görə”, “Qubadlının azad olunmasına görə” və “Laçının azad olunmasına görə” medalları ilə təltif olundum.
– Həbib, nə yaxşı bir təsadüf nəticəsində görüşdük. Mən buna xoş təsadüf deyirəm. Sən bu atüstü görüşə nə deyərdin.
Bu görüş atüstü olsa da məndə xoş əhvali-ruhiyyə yaratdığından olduğu kimi yazıya aldım. Düşündüm ki, adamların diqqətinə çatdırım ki, xoş təsadüflər də var. Söz-söhbət ki, insanlıqdan, mənəviyyatdan, yurdsevərlikdən gedir, buna laqeyd qalmaq olmaz. Bir Qarabağ qazisini də tanımaq və onunla söhbət etmək şərəfi mənə də qismət oldu.
Tacir SƏMİMİ
filologiya üzrə fəlsəfə doktoru, dosent
Bakı Dövlət Universitetinin (BDU) rektor müşavirini və komendantını bıçaqlayan İsmixan Mirzəyevin...
Altı il yarım erməni hərbçilərinin girovluğunda olan Dilqəm Əsgərov həbsxana yoldaşı Şahbaz...
московская клиника современной медицины мед...
от DoctorMew в Azərbaycan Milli Qeyri-Hökumət Təşkilatları Forumu minaya düşərək həlak olanlarla bağlı bəyanat yayıb
At The Karelia Business Forum, we're more than a...
от Monroescups в Azərbaycan Milli Qeyri-Hökumət Təşkilatları Forumu minaya düşərək həlak olanlarla bağlı bəyanat yayıb
Xəbərlər istinad verilmədən götürülə, qanuna zidd olaraq nüsxələnə və başqa yerdə yayımlana bilməz.
Saytın Təsisçisi-Rəhbəri: Ramil Əliyev
Tel.: 055-222-22-18
Xəbər üçün şərhlər