Bakı Slavyan Universitetinin Xarici dil Müəllimliyi fakültəsinin Fransız dili müəllimliyi ixtisasının 2-ci kurs tələbəsi Səadət Əlizadə indiyədək 50-dən çox şəhidin rəsmini çəkmişdir
...
Qazi bərbər Firdovsi Mustafayev: “Qısa zamanda ləvazimatlarla təchiz olundum” – FOTO/VİDEO
Bərbər olan qazi Firdovsi Mustafayev Dövlət Məşğulluq Agentliyi tərəfindən lazımi ləvazimatlarla təchiz olunub.Bu haqda, o Moderator.az saytına məlumat verib.
“Başda şəhid mayor Vüsal Vəliyevin qardaşı, filologiya üzrə fəlsəfə doktoru Elyar İslamoğlu və onun dostu, Dövlət Məşğulluq Agentliyində Strateji Kommunikasiya Departamentinin əməkdaşı Ruslan Eldaroğluna təşəkkür edirəm. Onların sayəsində Dövlət Məşğulluq Agentliyinə yazılı şəkildə müraciət etdim, məni qeydiyyata aldılar. Dedilər ki, mənə xəbər olunacaq. Bir müddət sonra mənimlə əlaqə saxladılar. Online dərslərə başladım. Dərslər bitdikdən sonra bizə öyrədilənləri yazılı şəkildə Nazirliyə təqdim etdim. Nəticələrim yaxşı oldu, sertifikat verdilər mənə və lazımi ləvazimatlarla təchiz olundum. Artıq mən Agentliyin mənə verdiyi ləvazimatlarla çalışıram. Bu diqqət və qayğı üçün minnətdaram”.
Qeyd edək ki, Mustafayev Firdovsi İlqar oğlu 10 iyul 1995-ci ildə Bakı şəhərində anadan olub. 44 günlük Vətən müharibəsində Füzuli, Cəbrayıl, Qubadlının işğaldan azad olunması uğrunda qəhrəmancasına döyüşüb. Hazırda yaşadığı Nəriman Nərimanov rayonunda bərbər kimi tanınır, fəaliyyət göstərir.
Xəbər üçün şərhlər