Bu barədə AZƏRTAC-a MEK-dən məlumat verilib. Bildirilib ki, görüşdə MEK-in baş direktoru professor Məmməd Əliyev Mərkəzi Elmi Kitabxananın tarixi, fondu, beynəlxalq əlaqələri, həyata keçirilən layihələr haqqında ətraflı məlumat verib.
Qonaqlar MEK-in Qarabağ müharibəsi qəhrəmanları fondunda olublar. Professor Məmməd Əliyev burada toplanan nəşrlər, məlumat bazaları, eləcə də hər bir guşəsi haqqında ətraflı məlumat verib.
Heydər Əliyev və Azərbaycan dövlətçiliyi şöbəsində olarkən Ulu Öndərin həyat və fəaliyyətini əks etdirən nəşrlər qonaqların xüsusi marağına səbəb olub. Fondda toplanan kitablarla bağlı fikir mübadiləsi də aparılıb. Daha sonra Nadir kitablar və qiymətli nəşrlər fondunda olan qonaqlara burada qorunan ən qədim nəşrlər, miniatür kitablar nümayiş edilib.
Söhbət zamanı qonaqlar MEK-də yaradılan şəraiti yüksək qiymətləndiriblər.