ƏSAS / ÜMUMİ / DÜNYADA / ÖLKƏDƏ / SİYASİ / İQTİSADİ / HADİSƏ
Məişət zorakılığından zərərçəkmişlərə hüquqi xidmət göstərilir
![](/uploads/posts/2024-06/medium/1718089554_img-20240611-wa0014.jpg)
Məişət zorakılığı cəmiyyətin normal inkişafına mane olan fenomenal bir problemdir. Bütün dünyada olduğu kimi bizim ölkəmizdə də məişət zorakılığı ailə təsisatlarına mənfi təsir göstərən dağıdıcı amillərdən biridir. Ümumdünya Səhiyyə Təşkilatının statistikasına əsasən, həyatlarında ən azı bir dəfə partnyoru tərəfindən fiziki və ya cinsi zorakılığa məruz qalmış qadınların ümumi sayı dünya üzrə 736 milyondan çoxdur.
Bu kimi problemləri nəzərə alaraq “Hüquqşünas Qadınlar Assosiasiyası” İctimai Birliyi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə “Məişət zorakılığına məruz qalmış ailələrə hüquqi xidmət” adlı layihəni icra etməyə başlayıb. Layihə 1 iyun tarixindən start götürüb, icra müddəti 3 aydır. Layihənin həyata keçiriləcəyi çoğrafi ərazi Neftçala, Lənkəran, Masallı, Cəlilabad və Lerik rayonlarıdır.
Layihənin əsas məqsədi məişət zorakılığına məruz qalmış ailələrə hüquqi xidmət göstərməkdir. İB-in sədri Xanım Əhmədzadə layihə haqqında məlumat verərək bildirib ki, uzun illərin təcrübəsi belə qənaətə gəlməyə zəmin yaradır ki, məişət zorakılığına məruz qalmış, zərər çəkmiş şəxslərlə birbaşa individual yanaşma və ünsiyyət olmadan, münaqişəli ailənin üzvlərini ayrı-ayrılıqda dinləyib, problemlərin və mübahisələrin səbəblərini araşdırmadan, imkan daxilində ailənin özəl problemlərini bilmədən məişət zorakılığının qarşısını almaq mümkün deyil. Ən xoşagəlməz tendensiya isə hər iki tərəfin günahkar axtarışına çıxmasıdır. Heç bir tərəf özünün təqsirini, günahını, səhv cəhətlərini etiraf etmək istəmir. Halbuki, əksər hallarda bir-birini qınayan hər iki tərəfin görünməyən, gizlədilən mənfi cəhətləri ola bilir. O səbəbdən məişət zorakılığı ilə əlaqəli problemləri həll etmək üçün günahkar deyil, xilaskar tapmaq lazımdır. Cəmiyyətin aktual probleminə çevrilən məişət zorakılığı insanlığa qarşı qəddarlıq olduğundan, zorakılıq halları ilə bağlı cinayətlərin sayında artım müşahidə edildiyindən, xüsusən də zorakılıq səbəbindən ölüm halları çoxaldığından belə layihəyə sosial ehtiyac var.
Hörmətli oxucu, Siz qeydiyyat-dan keçmədən sayta daxil oldunuz.
Biz tövsiyə edirik
qeydiyyatdan keçmək və yaxud öz adınızla daxil olun.
Xəbər üçün şərhlər