"Ətraf mühitin və əhalinin sağlamlığının qorunması, narkomaniya ilə mübarizə məsələləri" sahəsində ixtisaslaşan qeyri-hökumət təşkilatları ilə onlayn görüş keçirilib.
...
ƏSAS / ÜMUMİ / DÜNYADA / ÖLKƏDƏ / HADİSƏ
Qapalı dövri iqtisadiyyatın Azərbaycan modelinin hazırlanması.
“Ekoleks” Ekoloji Hüquq Mərkəzi ictimai birliyi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə “Tullantıların idarə olunmasının yeni modeli - Qapalı dövri iqtisadiyyata keçid üzrə ictimai vəkillik” layihənin icrasıni icra edir.
Layihə çərçivəsində tullantıların idarə olunması, ətraf mühitin mühafizəsi, iqlim dəyişikliyi ilə mübarizə və biomüxtəlifliyin müdafiəsi, resurslardan səmərəli istifadə ilə əlaqədar mühüm instrument olan sirkulyar iqtisadiyyatın müxtəlif ölkələrdə yaradılması və inkişafının modelləri araşdırılmışdır. Araşdırılan dövri iqtisadiyyat modellərindən Azərbaycanda tətbiqinin mümkünlüyü olan bir sıra komponentlərin cəmi toplanmış, Azərbaycan üçün bir model hazırlanmışdır.
Hazırlanan dövri iqtisadiyyat modeli Azərbaycanda ekoloji problemlərin həlli üçün əsas meyarların toplusudur. Azərbaycan üçün təklif edilən model iqtisadiyyatın düzxətli modelindən fərqli olaraq təbii sərvətlərdən və məhsullardan uzunmüddətli, təkrar istifadə və ya təkrar emal yolu ilə istifadə edilməsini nəzərdə tutur.
Təklif olunan sirkulyar iqtisadiyyat modeli Azərbaycana imkan verəcəkdir ki,
ətraf mühitə həlledici təsir faktorları olan çirklənmə, resursların tükənməsi, biomüxtəlifliyin itirilməsi ilə mübarizə etsin,
dayanıqlı istehsal və istehlak modelləri yaratmaq, iqlim dəyişkliyi ilə mübarizə aparmaq sahəsində BMT-nin dayanıqlı inkişaf göstəricilərini həyata keçirsin;
innovasiyanı və yeni işgüzar fəalllığı həvəsləndirsin.
Təklif edilən iqtisadiyyat modelinin Ermənistan Respublikasının işğalından azad edilmiş ərazilərdə uğurlu tətbiqi mümkündür və layihənin mütəxəssisləri hesab edir ki, Azərbaycan modelinin məhz azad olunmuş ərazilərdə sınağı Azərbaycan modelinin hazırlanması, tətbiqi və inkişafında mühüm mərhələ ola bilər.
Xəbər üçün şərhlər