Dövlət rəmzlərinin təbliğində gənclərin rolu - Fotolar » Öndər TV

Dövlət rəmzlərinin təbliğində gənclərin rolu - Fotolar

| 5-11-2022, 12:52 |

Gənc Vətənpərvərlər İctimai Birliyi (GVİB) Azərbaycan Respublikası Gənclər və İdman Nazirliyin maliyyə dəstəyi ilə “Gənclərdə dövlət rəmzlərinə hörmət hissinin gücləndirilməsi" adlı layihə çərçivəsində Nəsimi rayon 8 saylı tam orta məktəbdə Zəfər və Dövlət bayrağı gününə həsr olunmuş tədbir keçirib.

Layihə rəhbəri Muğan Əliyev "Rupor"a açıqlamasında bildirib ki, canlarını ölkəmizin ərazi bütövlüyü və suverenliyi uğrunda qurban vermiş şəhidlərimizin müqəddəs ruhları bir dəqiqəlik sükutla yad edildikdən sonra şagirdlər vətənpərvlik mövzusunda mahnı və şeirlər səsləndirilib, müxtəlif sə kompozisiyalar nümayiş etdiriliblər.

M.Əliyev açılış çıxışında deyib ki, hər bir ölkənin tarixi və dövlətçilik ənənələri adətən onun rəmzlərində və atributlarında öz əksini tapır. Azərbaycan Respublikasının bayrağı, gerbi, himni və digər atributları Azərbaycan dövlətinin müstəqilliyini təcəssüm etdirən müqəddəs rəmzlərdir.

"Tədbirdə 8 nömrəli tam orta məktəbin direktoru Aytən Baxşıyeva Azərbaycanın tarixinə qızıl hərflərlə yazılmış Zəfər və Dövlət bayrağı günü münasibətilə iştirakçıları təbrik etdi. O qeyd etsi ki, Ali Baş Komandan İlham Əliyevin rəhbərliyi ilə ötən il sentyabrın 27-dən başlanan, 44 gün davam edən Vətən müharibəsi şanlı Qələbə ilə sona çatıb".

Direktor daha sonra deyib: "Hərbi əməliyyatlar çərçivəsində Azərbaycan Ordusu işğalçı Ermənistanın 30 il ərzində qurduğu silahlı qüvvələrini darmadağın edərək, güclü ordu strategiyası, milli birlik və döyüşçülərimizin ruh yüksəkliyi sayəsində böyük Zəfərə imza atıb və üc rəngli ay ulduzlu bayrağımızı yüksəliklərdə dalğalandırıblar".

Layihə rəhbəri məktəbin tərbiyə işlər üzrə direktor müavini Səfurə İbrahimlinin də çıxışını diqqətə çatdırıb. S.İbrahimova belə deyib:

"Prezident, Silahlı Qüvvələrin Ali Baş Komandanı İlham Əliyevin müdrik siyasəti və şanlı Ordumuzun rəşadəti sayəsində qazanılmış böyük Zəfər, eyni zamanda, dinindən, milli mənsubiyyətindən asılı olmayaraq, xalqımızın “dəmir yumruq” ətrafında sıx birləşməsi, gənclərimizin Vətən sevgisi, iqtidar-xalq və ordu birliyi sayəsində əldə olunub".

Tdbirdə iştirakedən Azərbaycan Gənclər Təşkilatlarının Milli Şurasının Üzv təşkilatlarla iş üzrə katibi Jalə Həsənova qeyd edib ki, Azərbaycan Xalq Cümhuriyyəti qurulduqdan sonra dövlət rəmzlərinin – bayraq, gerb və himnin hazırlanması istiqamətində konkret tədbirlər həyata keçirilmişdir. Üçrəngli dövlət bayrağımız ilk dəfə 1918-ci il noyabr ayının 9-da Azərbaycan Xalq Cümhuriyyəti hökumətinin qərarı ilə qəbul edilmişdir. Tədbirdə digər çıxış edənlər gənclər arasında dövlət atributları, tarix və milli qəhrəmanlar haqqında maarifləndirmə işlərinin aparılmasının zəruriliyini və Müzəffər Ali Baş Komandan cənab İlham Əliyevin rəhbərliyi ilə rəşadətli Ordumuzun 44 gün davam edən “Dəmir yumruq” hərbi əməliyyatında qazandığı tarixi Qələbənin təcəssümündən , pis vərdişlərdən və vətənpərvərlk mövzusunda danışaraq bu kimi tədbirlərin keçirilməsinin əhəmiyyətindən söz açıblar. Layihə iştirakçıları əsasən yeniyetmə və gənclərdən ibarət olub.

Layihə çərçivəsində nəşr edilmiş buklet, üzərində Gənclər və İdman Nazirliyin və Gənc Vətənpərvərlər İctimai Birliyinin loqoları əks olunmuş buklet,təsvirli köynək, bayraq, sertifikat, Heydər Əliyevin əksi olunmuş döş nişanları, təqvim və dəftərxana ləvazimatları paylanılıb.

Tədbirdə ictimayətinin nümayəndələri, könüllülər,birliyin üzvləri, QHT-n nümayəndələri və digər qonaqlar iştirak ediblər.